政情：中西藥同時食相沖 波哥請教卞兆祥

市面上出現咗好多林林總總成藥、湯水，話可以幫助肺炎確診者康復，但邊種啱自己體質服用？保險界議員陳健波（波哥）日前喺Facebook上載咗段短片，浸會大學中醫藥學院臨床部主任卞兆祥教授教路，話現時確診患者好多時會同中西藥一齊食，而中西藥有能相剋相沖，反而對病情冇幫助，佢仲話依家市面上嘅中成藥，未發現同止痛退燒藥有交互作用，建議服用中西藥，最好相隔一小時。