政情：疫策難以適從 髮型屋唔夠師傅用

陳欣兒話上個月政府收緊防疫措施，理髮店同髮型屋因被納入表列處所，面臨長達兩個多月嘅停業期，誰知政府上周又宣布，喺實施疫苗通行證同全程佩戴口罩等前提下可以復業。之不過，相關從業員為免手停口停，早已紛紛去搵臨時工以賺取收入，以致業界經營者霎時之間要搵人開工，非常棘手啊！

佢又話有相關從業員顧慮到理髮店同髮型屋並未剔出表列處所，擔心現行措施去到本月23日屆滿後政府又有變卦，咁就又要再搵散工喇，慨嘆政府嘅防疫政策轉變得好快，令人無所適從囉。