昔日東方政情：審批兩撥款冇阻攔 財會7分鐘拍板
立法會財務委員會尋日舉行會議，7分鐘火速審議完2022-23年度基本工程儲備基金整體撥款、同埋藍田德田街公共運輸交匯處及相關道路改善工程撥款，分別約涉款218.5億同1.44億港元。兩項議程直接進入表決程序，喺冇人反對、冇人棄權下直接獲得通過。
會議上，財會主席陳健波（波哥）話，由於工務小組委員會唔建議財會進一步討論相關議程，所以並無官員列席，如有議員想進一步討論，就可以3人聯署，喺兩日前提交財會，但今次就冇收到。
後尾本報問番波哥，佢話財會嘅會議以後都應該好快審議完畢，不過睇番之前立法會未有拉布嘅情況出現，財會每年嘅審議時長都只不過係要用30至40小時，依家都只不過係正常番啫。
佢又話，其實財會審理社會有關嘅大型撥款，或者爭議性撥款嘅時候，議員都會十分關注，到時聯署申請喺財會討論嘅話，都會畀時間大家傾。事實上，波哥一早預料到今次好快會完成審議，仲話提前同議員講聲要準時加入會議，否則錯過咗，就變成缺席喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
