政情：聯國視像會議 劉仲恒指疫情礙人權

Kevin話聯合國《世界人權宣言》第25條規定「人人有權享受足以保障自己和家人的健康和福祉所需的生活水準，包括醫療保健」。佢作為一名醫生，堅信所有市民嘅健康同安全就係最重要嘅人權，尤其係今日嘅香港。跟住佢又話獲得醫療保健、生病時接受治療以及有尊嚴咁善終亦屬於一項基本人權，但香港喺呢一波疫情中，以上種種都受到好大嘅影響，所以佢認為香港目前最迫切嘅任務，係遏制疫情傳播以及保障公眾嘅健康。

喺疫情爆發期間，佢亦觀察到有唔同嘅專家或市民都踴躍咁提出自己嘅想法或建議，當中亦不乏具建設性嘅批評，而呢種現象就正好體現香港嘅言論自由。