政情：袁彌明染疫 怕寒涼唔食中成藥

Erica話早前佢去Whistler滑雪玩咗幾日，期間佢出現流鼻水同埋喉嚨不適嘅徵狀。佢初時並無理會，以為係滑雪場大風，自己唔小心冷親啫。後來佢取道溫哥華前往美國，出發之前自行做快速測試，先至發覺染疫。佢想起喺滑雪場用餐嘅地方就好似一個大飯堂，人人都除低口罩進食，咁就難怪會中招喇！

但奇怪嘅係，枕邊人竟然乜事都無喎，於是Erica相信自己體內嘅病毒量好低，而翌日佢再做快測，結果顯示經已痊愈。雖則佢痊愈，但喉嚨就仲有啲唔舒服。有冇諗過食中成藥？佢亦有提及，仲話當佢上網摷資料睇，發覺相關中成藥嘅藥性非常寒涼，唔適合佢嘅體質咁話。