政情：蕭偉強家人染疫 政府支援遲到

蕭偉強前日喺社交平台貼文，指同住家人染疫，佢都要家居隔離7日，尋日終於可以「出關」喇。提及隔離嘅經過，佢話期間政府送來「禮物包」，確診者除指引外，夾附探熱針、快速檢測包、口罩，仲有連花清瘟膠囊添，物資都算唔少㗎，但兩個確診者只有一個收到囉！雖然佢嘅同住家人都收到「禮物包」，可惜係確診第6日先至送到呢！

所以蕭偉強認為，政府需增加硬件物資以及人手，又指流程樽頸仍需理順。但佢又話好多樓宇同佢所居住嘅屋苑一樣，都有唔少確診者，明白政府、公營同資助機構好多同事，正日以繼夜艱苦作戰，身心俱疲，仲要承受巨大壓力咁話。