昔日東方攀山拯救求助增 消防嘆抗疫已冇人手
【本報訊】近日天氣開始回暖，市民紛紛出動郊遊行山，親親大自然。然而行山其實暗藏危機，倘無留意山勢或自己身體狀況，隨時出意外或感不適。有自稱消防員的網民前日在社交網站專頁大嘆，「今日已經接咗十幾隻call山上救援服務……抗疫已經冇人手」。消防處發言人表示，前日接到19宗（初步數字）涉及攀山拯救的求助個案，強調該處會靈活調度資源處理工作，安排足夠人手處理攀山拯救的求助個案。
網民指「在家就幫到人」
一眾網民熱烈討論，指「在家就已經幫到人（尤其醫護）」、「封燒烤及露營設施有鬼用咩，直接封晒郊野公園啦」、「行山唔識得量力而為？緊急服務係比（畀）真正有需要嘅市民用」。另有網民分享道「我個消防員朋友同我講，有一次有個人行到山頂話缺水，行唔到落山，Call消防員幫佢買水，但係佢哋接到order就要出勤去幫佢買喎，真係吹脹」。
根據紀錄，截至前日傍晚6時半，天文台錄得最高氣溫攝氏27.7度，其中上水更錄得最高氣溫達攝氏30.8度。於當日中午12時，7人在大帽山行山，其中一名59歲男子突然感到不適，一度陷昏迷，需由政府飛行服務隊直升機救起送院。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
