昔日東方政情：陳百里「送外賣」 全套裝備上身
為免病毒擴散，政府呼籲市民多啲留喺屋企，唔好外出，但係商務及經濟發展局副局長陳百里竟然返「娘家」做「步兵」。吓！做埋外賣仔，搶飯碗呀？
赴疫區派物資
陳百里尋日喺Facebook貼文，話佢返咗去坪石邨。事關佢未加入「熱廚房」之前係觀塘區坪石選區嘅區議員，所以咪係返「娘家」囉！其實，佢耐唔中都有返去搵番啲舊街坊傾下偈嘅，但係今次就唔同嘞，着到全副武裝咁喎。
貼文中陳指因為日前坪石邨被驗出污水監測帶有病毒，自稱係前「保長」嘅佢就着晒防護裝備咁上樓，挨家挨戶派物資，所以咪話佢做「步兵」囉！
老實講，依家好多確診咗嘅市民要家居隔離，但政府支援工作滯後，求助熱線打極都唔通，若果冇親友同社工幫手送藥同食物，真係唔知點捱落去。陳百里作為政府一員，當然唔可以懶懶閒喇，好似話佢呢排都有參與義工活動，做車手幫手送抗疫物資。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
