政情：遭盜用信用卡 黃傑龍力保不失

Simon前日喺社交專頁表示，指當日下午其網上銀行應用程式突然有震動提示，先後兩次話多謝佢消費咗800元，並且叫佢抽獎，佢形容當時內心好激動，因為意識到信用卡畀人盜用。Simon續指銀行再傳訊息畀佢，稱發現再有不尋常消費而自動作出攔截，但兩次嘅網上消費已過數，共損失1,600元。

Simon其後聯絡銀行，並填表申請「爭議消費」，預計要6至12個星期，先知可唔可以拎番款項。正當無抱太大希望時，Simon事隔一日再次發文，話多謝大家關心，指瞓醒已經拎回1,600元款項，估計銀行同信用卡公司知道係盜用，所以短時間內退回款項。