政情：老虎仔變病貓 確診廖成利居家隔離

廖成利喺Facebook貼文，話第二日居家抗疫、在家工作、生活如常，仲分享話呢排勤洗手、戴口罩、鹽水漱口、自備3餐、餐後洗碗、讀書上網。同時上載咗幾張喺屋企嘅生活照，其中一張見到佢同妻子戴住口罩合照，另亦有兩個快速測試都顯示確診嘅相，更有一張展示家中藏書。

話說，民協原計劃喺上月要補選主席，但因為疫情而延遲至下月16日，當時廖就話得佢報名參選。但至今疫情未見緩和，選舉會唔會再次押後仍係未知之數。