要聞港聞

政情:禍港3丑認知度直插水

陳方安生早前宣布退出政壇。 陳方安生早前宣布退出政壇。
陳方安生早前宣布退出政壇。
民主阿婆收山李漢奸黃之鋒冇得作反
被內地官媒炮轟為「叛國禍港四人幫」之一嘅民主黨(白鴿黨)創黨主席李柱銘(李漢奸),同屬「叛國禍港四人幫」嘅「民主阿婆」、前政務司司長陳方安生,同埋被內地官媒批評主動「賣身」畀美國主子、「新生代漢奸」嘅黃之鋒,認知程度全數下跌!有機構尋日發布最新調查結果,發現唔少市民對相關嘅民主派人士認知程度下跌,其中李漢奸同民主阿婆嘅提名比率創個人紀錄新低。
香港民意研究所喺上月21日至24日成功訪問1,002名市民,尋日發放市民最熟悉政治人物排名榜。對比半年前嘅排名,李漢奸嘅排名下跌5名,提名比率下跌6%;民主阿婆排名下跌5名,提名比率下跌4%;黃之鋒嘅排名下跌3名,提名比率下跌1%。
利用價值欠奉 無人關注
時事評論員陳雲生話民主阿婆已經銷聲匿迹,早前已經宣布退出政壇,收斂咗所以排名下跌係自然嘅事。對於黃之鋒排名下跌,又話黃坐監,傳媒報道相對少咗,唔排除西方國家認為黃利用價值低咗;加上國際正討論烏克蘭問題,無人關注黃。
佢話李漢奸因年紀大加上專業背景問題,冇乜主動出聲,外國已經冇再關注佢。佢又話知名度唔代表支持度,有人會流芳百世,亦有人遺臭萬年,擔心有人特登挑起存在感,其實另有政治動機,希望政府留意。
民主阿婆早前宣布退出政壇,之不過官媒以「禍港頭目一句『退出政壇』就能逃避懲罰嗎?」為題發文,質疑民主阿婆選擇退出政壇嘅時機,未來都可能要面對「懲罰」。
李漢奸之前突然話,「提倡攬炒的人,他們一無所知。」被批評前言不對後語,只不過係「牆頭草」!事實上,法庭早前就8‧18同8‧31兩項未經批准集結案作出裁決,壹傳媒黎智英被判監禁14個月,加上其他案件,總刑期為20個月,佢現於赤柱監獄服刑,而李柱銘喺8‧18案亦罪成被判囚11個月,緩刑兩年,曾有法律界人士直言應向李漢奸判處監禁式刑罰。
現時在囚嘅黃之鋒,亦被內地官媒斥為「新生代漢奸」,多次點名批評佢係香港「反中亂港」分子,直斥佢同李漢奸係「一老一小兩個小丑」,兩人不斷喺外國國會「賣港辱國」。
李柱銘認知度創新低。李柱銘認知度創新低。
李柱銘認知度創新低。
黃之鋒現時在監獄服刑。黃之鋒現時在監獄服刑。
黃之鋒現時在監獄服刑。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500