政情：林偉文：團體向民政署申撥款遇阻

自前年疫情爆發，各區議會都有撥款，買防疫物資派發給市民。至現時第5波疫情，本港情況更係史無前例地嚴重，但撥款卻遇到困難。灣仔區議會副主席林偉文話有地區團體早前申請約110萬元，以15蚊一支快速測試嘅價錢購買，購買75,000支派發畀有需要嘅灣仔區市民，目標係本月10日能夠派到，而呢樣亦係普羅市民現階段最需要嘅嘢，每日都要用到。

市民有急需，但民政事務署卻拖拖拉拉。林偉文話當局似乎唔願處理，又回應指市面上並不缺貨，市民可以自己搵到，故認為不太緊急，導致有關申請至今未有獲批，佢希望政府酌情將撥款權還給區議會，讓佢哋盡快批出申請。本報就有關事件向民政事務總署查詢，但截稿前未獲回覆。