政情：有齊發燒喉痛 覃德誠快測未見二線

話說依家好多政界人士同義工出去幫手做防疫工作，部分人相繼確診，而覃德誠亦經常要出外協助確診嘅街坊，同派發物資畀佢哋等，佢尋日喺社交平台貼文話自己出現喉嚨痕、聲音沙啞同埋有幾聲咳、體溫度到37.1，脗合晒確診症狀，心諗呢次仲唔到自己，之後佢進行快速測試，結果……竟然係冇感染呀，話自己會繼續開工。

佢仲話原本買畀街坊嘅化痰止咳藥，點知自己反而會用得着，有留言話佢，好大機會中、食定藥先，同埋叫佢好好休息及要自我隔離好啲，亦有人叫佢去做核酸檢測，唔好禍害同事。