政情：李卓人獄中染疫 蒙兆達在英康復

李卓人因前年8月18日及8月31日未經批准集結案，合共被判囚14個月。至於蒙兆達就喺去年9月，工會解散前已離港前赴英國。昔日拍檔分隔兩地，而原來喺傳出李囚中確診嘅前兩日，蒙都喺Fb貼文透露，指與大家同病相「連」，透露早前自己都中咗招，仲附上檢測結果相片。

貼文下有唔少網民留言叫佢休息多啲，又問及家人有冇染疫，亦有人指蒙檢測結果嘅紅線好深色，話蒙病得都幾重。蒙就回覆指自己已經好番一段時間，至於老婆同囡囡都無事咁話。