昔日東方政情：「單身」林哲玄 入政黨自組名單
立法會《議事規則》修訂後，自組名單喺委員會席位分配上較為佔優，唔少無政黨背景嘅議員都紛紛加入政黨組成嘅名單，以盡可能咁加入心儀嘅委員會。而最新議員林哲玄就加入咗新民黨嘅名單，莫非有意入黨？
澄清唔打算入黨
據立法會文件，尋日公布最新版本委員會席位分配而組成嘅議員名單。原本只有5名成員成功進身議會嘅新民黨，名單上就多咗林哲玄個名喎。林接受傳媒查詢時就指，咁做並無政治考量，只係為咗增加入委員會嘅機會，並唔打算加入政黨。不過，事實上6人組成嘅名單，無論喺小組委員會定事務委員會上，都係只獲分配一個席位。
另一方面，文件顯示仲有7位議員選擇繼續「單打獨鬥」，並無加入任何名單。唔知佢哋係唔鍾意「圍爐」，定係仲考慮緊，選擇靜觀其變多一陣呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
