昔日東方政情：區會失效 陳仲尼叫搵同鄉會代搞
政府早前要求區議員宣誓，大批民主派區議員辭職或被取消議員資格。不過，區議會多個議席出現空缺後，政府未有進行補選，又指區議會已失效。議員陳仲尼就去信立法會民政事務委員會，要求加議程，檢視區議會未來路向，包括建議政府向同鄉社團增撥資源，加強同鄉社團嘅地區諮詢及服務喎。
陳仲尼指，過去政府依靠區議會提供政府資訊、聽取居民意見、凝聚社區力量，但今屆區議會多名區議員因違法被捕、離港或宣誓無效而被褫奪資格，民政事務局早前話區議會已有失效情況。而同鄉會遍布全港18區，有地區服務中心為市民提供服務，唔少同鄉會負責人經常籌組活動，不過就面對資源不足問題。
叫政府增撥資源
有見及此，佢指係時候檢討同鄉會功能，特別係地區行政方面角色，建議考慮向同鄉會增撥資源，政府與同鄉會建立對口聯繫，讓同鄉會可加強地區諮詢及提供資訊服務咁話。之不過，其實當局早前表明要待下屆政府先考慮區議會補選，唔知現階段又會唔會正視相關問題呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
