昔日東方林鄭8分鐘視像發言 學者斥純粹刷存在感
確診個案急速上升，特首林鄭月娥尋日突然發表長達8分鐘的視像講話，以為佢係咪又有新招，點知喺電視機前嘅觀眾，應該會覺得佢嘅講話內容似乎無咩新意，因為主要圍繞中央支援措施，講吓全民檢疫同埋未來將設立更多社區隔離設施等。有學者就批評林鄭嘅發言內容空洞，純粹刷存在感，亦都做唔到實事。
內容空洞 欠政治智慧
林鄭首先話中央支援措施不斷，包括援建隔離設施、贈送物資，佢同時感謝市民保持冷靜，配合政府各項防疫措施，又話過去周末市面人流稀疏，正正反映市民同心抗疫。
而喺全民強制檢測方面，佢話目前正在細化方案，喺3月推出，務求切斷傳播鏈。
佢亦話未來兩三個月將是關鍵時刻，政府正全力設立更多社區隔離設施，包括3座未入伙的公屋樓宇、兩個大型過渡性房屋項目等，估計總體有超過7萬個單位或床位。
呢番講話，香港理工大學專業及持續教育學院講師陳偉強直指內容空洞，純粹在刷存在感，亦欠缺政治智慧，對於市民關注嘅全民強檢亦沒有着墨，浪費市民時間，抗疫亦只係淪為口號式。佢又話如果林鄭真係有政績嘅話，市民喺會睇到，依家只係想畀人知道自己無被架空。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
