政情：確診居家隔離16日黃俊碩終可「出關」

第5波疫情依然嚴峻，更有立法會議員相繼中招。其中，會計界議員黃俊碩喺本月初初步確診，自出現病徵後經過16日家居隔離，亦係由本月12日出現病徵及快速測試呈初步陽性起計第16日。佢話尋日進行快速檢測時，終於取得無確診結果。換言之，即係可以「出關」，如常外出同重回社區喇！

黃尋日朝早喺Facebook貼文回憶本月12日首日出現輕微頭痛，而快速測試結果為初步確診，至第4日身體情況轉差，出現低燒、頭痛、咳嗽、喉嚨痛、多痰、而且更有失聲等症狀，及後病徵就慢慢消退，要到第7日終於收到「初步確診」訊息。而喺第10日所做嘅快速測試就已顯示無確診。佢形容整個過程，一開始係較震驚，其餘時間心情都係平復嘅，直言畢竟要有強大心理先可以戰勝病魔。

立會疫情未遏添14症

另截至昨午4時，立法會秘書處共接獲14宗染疫個案。議員林素蔚同邱達根嘅辦事處各有一職員快速測試結果確診，兩名議員嘅測試結果則沒染疫，現正居家隔離。另分別隸屬7個部門嘅10名秘書處職員同兩名外判工作人員亦染疫；中信大廈亦有7名租戶、外判清潔承辦商及管理處員工嘅快速測試結果染疫。