政情：隔離營友無助 梁熙線上幫忙

議員梁熙表示，自第5波疫情爆發以來，染疫人數持續上升，導致醫療系統陷入崩潰，大批確診及密切接觸者被安排送入竹篙灣隔離，又面對住缺乏支援及與世隔絕嘅困局，情況極度令人擔憂。

因此，梁與團隊尋日首設義務醫療顧問線上平台，希望為竹篙灣隔離嘅市民提供醫療及情緒支援服務。

市民需預先以手機聯絡其議辦或其團隊，以預約有關服務，經過聯絡及配對之後，暫定每日可提供3節時段、每節約45分鐘嘅線上視像諮詢，預計每節可提供約10個名額。每位求助市民會被配對一位醫生，向其提供醫療及情緒嘅支援服務。若有特殊急切嘅需要，亦會即時轉達當局作出跟進。梁熙強調，政府唔可以對問題視若無睹，亦唔能夠單靠民間有限嘅力量，必須負起主導責任，解決有關問題。