政情：76歲李國章娶細30歲女友

因為女方與李國章嘅年齡相差近30年，過去被外界形容呢段關係為「父女戀」。兩人早喺2014年「撻着」，至2015年底就傳出男方已向女朋友何婷媚求婚成功，近日兩人亦已入紙。

據了解，何婷媚喺澳門長大，曾到美國留學，及後返回澳門任賽馬會高層，及後任DBC數碼電台市場推廣及業務發展總監，認識時任DBC董事會主席嘅李。翻查何婷媚嘅資料，佢喺2016年底離開DBC後，從2018年至今就喺本地時尚藝術雜誌任高層。