政情：助理中招 沈豪傑在家隔離

沈前晚喺Facebook貼文話收到消息，辦事處其中一位同事經深喉唾液檢測後證實初步確診新冠肺炎。而嗰位同事由星期一開始出現輕微症狀，不過一直都係在家工作嘅。佢話自己喺辦公室工作期間全程有戴口罩，由上周末開始已經無接觸嗰位同事，過去一段時間亦無同嗰位同事同枱食飯喎。

依家疫情大爆發，佢話自己一直都有做核酸檢測同埋快速檢測，最新一次係前日做，每次結果都係陰性嘅。不過，佢話為咗確保安全，其辦事處將會進行徹底消毒，並停止運作一星期，佢亦都會在家隔離同埋工作喎。