昔日東方政情：跑步節食零成效 陳穎欣靠參選瘦身
努力減肥但體重依然紋風不動，對女士而言實在煩惱。議員陳穎欣亦曾遇上類似情況，早前佢喺一個網台節目中，提到去年年中，自己就算節食同埋勤做運動，依然無法減磅，但一去到年尾同今年年初，話咁快就瘦咗兩個圈喎。而令到佢極速瘦身嘅秘訣，竟然係競逐立法會議席！
已經瘦咗兩個圈
陳穎欣話去年8月為自己訂下減肥目標，然而試過晒跑步、節食，甚至乎晚上戒埋白飯，但都係冇咩進展，做極運動亦都唔瘦，不禁令佢懷疑自己嘅新陳代謝是否慢咗。
但點知後來一參選，一個星期就已經瘦咗一個圈；今年履新之後唔夠一個月，又瘦咗一個圈。點解會瘦得咁快？陳穎欣相信係之前嘅競選工程太過奔波勞碌，履新後又要應付繁重嘅議會工作，同埋為保持公眾人物嘅形象，盡量節制食量，以免予人做咗議員就肚滿腸肥嘅印象。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
