昔日東方政情：發言講稿遮面 林順潮人樣唔見
因疫情嚴峻，立法會一連3日嘅2021年施政報告致謝動議遙距進行。隔空開會嘅議員可能未熟習視像會議，間中都出現技術問題。尋日朝早議員林順潮發言期間，一度有紙張遮住塊面，之後唔知係咪個系統識別唔到佢塊面，喺畫面上恍如隱形！與會嘅官員會唔會當佢透明呢？
建議訂明北區發展條例
話說林順潮發言期間，講到香港城市發展方面官僚主義，連帶影響市民對政府嘅信心，建議用全新條例訂明北區都會區發展計劃。本身都好哋哋，但講講吓，鏡頭前出現類似講稿嘅嘢，不知不覺間，林將講稿愈推愈上，高過塊面喎。
本身講稿遮住塊面都冇乜嘢嘅，之但係遙距會議個系統似乎識別唔到佢塊面喇。眼見林順潮同背景漸漸融為一體，得番畫面上嘅手語傳譯員。不過，林之後唔知係咪發覺自己消失咗，就擺番低講稿，展示番自己個樣喇。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
