政情：林鄭撞聾 聽唔清記者提問

林鄭喺記者會上依舊冇戴口罩，期間有男記者舉手提問，林鄭呢個時候都拎定支筆打算抄寫。男記者問及前年決定押後立法會選舉，但當時只有百多宗確診，回望過去是否仍有押後立法會選舉嘅必要？林鄭就突然中斷記者提問，並指「對唔住，我聽唔到」，並叫佢要大聲提問，記者隨即表示唔好意思，之後都提高音量發問。

其實林鄭喺近日嘅記者會上，都不只一次表示未能聽到記者嘅提問，要求記者提高說話聲量，未知係因為口罩阻擋聲量，還是林鄭唔夠專心呢？