政情：家人初確 姚鈞豪發冷發熱喉嚨痛

姚鈞豪前晚喺社交平台貼文，話佢嘅家人喺快速測試中顯示初步確診。佢強調自己喺議辦一直有戴口罩，且做足個人防疫措施，但審慎起見都係立即關閉議辦進行全面消毒，又會進行自我家居隔離。佢尋日（17日）話家人情況穩定，只係咳同喉嚨痛，食咗藥之後已見紓緩，病況尚算輕微，之不過，佢就開始有啲發冷發熱同喉嚨痛，食咗幾粒藥之後情況有改善，喉痛徵狀消失。

由於衞生署唔承認快速測試，佢話要等深喉唾液樣本結果出咗嚟先知係咪確診，先至有部門跟進，又話即使係確診，大家都需要保持冷靜喎。