政情：叫政府諗諗 何俊賢倡空投鮮活物品

高佬賢尋日喺立法會大會上，話縱使內地願意協助供港物資，但特區政府亦要及早研究更多運送物資嘅途徑，如重啟清水河到上水嘅舊鐵路，再駁內地鐵路支線運活豬到港，萬一運豬車司機因疫情而禁足，都可以用呢條鐵路運送活豬，特區政府應該同中央傾。

講完陸路，高佬賢指空運都係另一個途徑。佢話有啲報章，以及朋友提過用無人機。佢話以前打仗嘅時候，美國曾每日動用3,000架飛機，將生活用品掟落去西柏林。佢補充話部分物品未必可以用無人機運輸，但相信呢個方法係可以幫到手。

高佬賢所講嘅美軍空投物品畀西柏林，係發生喺冷戰初期，盟軍控制嘅西柏林對外水陸交通遭蘇聯切斷，於是美國決定向西柏林空投物資。