沈豪傑全副「武裝」落檢測中心

沈豪傑日前喺社交平台貼文，話去咗元朗市東社區會堂做義工，見佢全副「武裝」咁去檢測中心，但唔係幫手做檢測，而係協助分流同向市民講解有關檢測嘅事。

佢仲話因為之前視察過幾個檢測中心運作後，發現市民苦不堪言，要長時間排隊，長者同小朋友企咗幾個鐘頭又攰又冇水飲，好難受，所以佢就聯絡咗啲居民協會，幫忙免費提供「關愛椅」同樽裝水畀有需要的市民。由於過去幾日檢測中心嘅安排好差，市民罵聲四起，佢話做義工最大嘅滿足感，就係嗰日冇畀憤怒嘅市民責罵喎。

外界可能覺得喺檢測中心做義工好危險，染疫風險高。佢話有朋友仲話呢啲工作應該係「薪高糧準」嘅公務員同賺到「盆滿缽滿」嘅承辦商責任，但佢認為打仗唔可逃避，否則必輸無疑，佢反而希望能夠帶動更多人做義工。