政情：停辦幾年 何俊賢叫恢復煙花匯演

所以佢認為，香港某程度上應該要做番啲煙花匯演，以釋放市民睇煙花嘅欲望。雖然停辦煙花匯演嘅理由係擔心人群聚集，之不過早前嘅維港夜空無人機大匯演，咪一樣有人聚集！至於倣效鄰近地區，容許市民於指定日子、指定區域燃放煙花又得唔得呢？何俊賢話唔得，因為擔心有人藉此收埋啲煙花火藥。況且一旦畀市民習慣咗用呢種形式放煙花自娛，恐怕往後會變相成為一種節慶活動，若果日後話唔燒得，一定惹來強烈反彈。

何俊賢又話，由政府統籌去放煙花，會較為符合公眾安全。之不過，呢啲都係比較長遠嘅討論，當務之急都係盡快克服疫情，到時再話放煙花炮仗慶祝都未遲啦。