政情：假錄音又翻炒 何栢良嬲到爆

話說網上流傳一段約2分10秒嘅錄音，話「情況認真注意，不想等到下一次會議30秒先至講，然後提到變種新冠病毒會害怕弱鹼性」，仲寫住「From何栢良醫生」。

其實呢段冒充何栢良嘅錄音已經唔係第一次出現。香港爆發第3波疫情嘅時候，已經有人偽造錄音假冒何，當時何選擇報警求助，仲教市民點樣分辨真假錄音。再上一次嘅類似情況，就係2020年4月嘅時候，何亦作出澄清。雖然何每次都作出澄清，但隔一段時間之後就有人攞番段假錄音出嚟「翻炒」。