政情：訪曼城染疫 郭子健康復靠休息

郭子健話去年12月中旬往曼徹斯特探朋友，其後返回蘇格蘭約於12月20日左右發病。佢話當時覺得周身唔舒服，於是自行打開快速測試包做檢測，結果係顯示佢「中招」。郭話自己染疫嘅病徵，同患上感冒頗為類似，都係感到頭痛、發燒、疲累等，而佢嘅做法就係多休息，以及沖熱水涼，結果兩日之後，儘管仍感不適，但症狀明顯紓緩。一星期後再自行做快速測試，發覺已經痊愈，去到近日仲肥咗少少添。

事實上，九龍城前區議員李軒朗亦於去年12月喺倫敦染疫；東區前區議員蘇逸恒就喺本月初「中招」，佢哋都係休息幾日就話消失病徵，其中蘇逸恒就形容發病好似輕微冷傷風，之不過恢復健康嘅時間，較傷風要長些少。