政情：葉劉抗疫乾着急 行山舒筋骨

葉劉喺貼文中提到，雖然作為議員無法直接參與政府抗疫工作，但佢每日都有留意疫情發展，所屬政黨義工都喺地區主動協助派發抗疫物資。之不過，佢作為行會成員，其實只係特首一名顧問，有時候無奈只能乾着急，每日密切留意政府同衞生防護中心抗疫工作及進展、多諗對策，喺屋企時都難免發愁。

疫情嚴峻，葉劉話已取消不必要聚會，並選擇行山舒展筋骨，保持身心健康，而喺剛過去嘅周末佢就如常喺布力徑行山，仲忍唔住停低觀賞陸續盛開嘅吊鐘花。佢希望香港早日克服疫情，走出「疫」境，各行各業早日復甦，百業興旺，市民重回正常生活。