政情：蘇逸恒染疫 揭赴英足迹

蘇逸恒早前違反黨規，以個人名義擅撐立法會候選人，該黨中委會本月中亦會表決是否開除佢嘅黨籍。佢「潛水」多時，尋日終喺社交平台貼文，自爆雖然接種咗疫苗仍染疫，之不過病徵就好輕微，再做檢測後結果係冇染疫。不過，仔細啲睇，佢份檢測報告結果係由NHS發出，即係國民保健署 （National Health Service）嘅縮寫，屬於英國嘅公營醫療服務機構，睇嚟佢已經低調離港赴英國。佢仲話已經打咗3針，尋日嘅檢測結果已經冇染疫嘞！

至於Victor尋晚都貼文話感染咗新冠病毒，佢打咗兩針，亦一直無病徵，但佢現時人在國外，所以未能回港。佢話農曆新年前因家庭原因前往歐洲，喺公眾場所都有佩戴口罩，但都中招喎。佢話因為身處本港禁飛嘅國家之一，惟有計劃先返內地隔離21日，再用回港易機制回港，所以要接受核酸同埋血清檢測。點知尋日上機前先收到檢測結果指佢感染病毒，機票已無法轉讓。佢亦話在外港人唔介意接受隔離或者更嚴格嘅檢測，只希望有門路返港，但依家好似被遺棄，希望可盡快平安返港。