政情：包餃子無人吼 麥美娟自嘲地獄廚神

Alice喺社交平台分享佢嘅成品，仲形容係最難食嘅餃子，又自嘲「地獄廚神」呢個綽號唔喺浪得虛名，話若果自己從事飲食業，後果不堪設想。不過佢亦都補多句，話做人最緊要就喺負責任，所以自己都會負責番自己包嘅餃子。

其實Alice向來都無下廚嘅習慣，亦都唔識煮嘢食，所以今次連姪女都無畀面佢，無食到餃子。但佢認為依家要居家抗疫，所以都要嘗試下廚，仲話下次都喺叫番外賣作罷。不過網友都有讚有彈，指餃子「起碼無散開，醬汁補飛」，「睇個賣相真係麻麻哋，不過最緊要係心意」；亦有人分享心得，建議下餃子時喺水度落鹽，餃子皮就唔會咁易爛。