政情：搵工屢遇挫 鄭景陽怕前路坎坷

鄭景陽拍片開頭係介紹本地住宿度假，但喺尾段佢就講到，好多街坊都想知佢離開區議員崗位之後，到底何去何從。佢話喺議員辦事處工作咗差唔多10年，早前先至第一次出去搵工，但佢遇到嘅情況係，就算見工過程好順利，面試官都對佢有好感，但往往喺第二輪面試嘅時候就告吹；亦試過有僱主答應聘用，後來亦話要取消，佢相信對方因政治考量而有以致之。儘管佢目前正服務於某機構，但亦感前路唔容易行。

佢又話見到身邊唔少朋友同年輕人都願意選擇繼續留喺香港，令佢感到前路即使艱難，但未必代表行唔到落去，況且佢要留喺香港陪伴身邊嘅人，又希望身邊嘅朋友都可以互相支援同照顧喎。