政情：未道別已還押 鄒家成自責

鄒家成喺社交平台貼文話，由初次入獄、到保釋，再被指違反保釋條件提早重返監獄，前後時間不足一年，原本有意把握保釋在外嘅時間同朋友好好相處，但都係花咗唔少時間調整心態同梳理思緒，以致被還押前都未能同朋友正式道別。鄒又話雖然獄中向外界傳達訊息愈來愈困難，但仍會繼續嘗試同外界分享佢嘅諗法，仲話會勇敢地活下去，叫朋友唔使擔心。

鄒喺舊年6月獲准保釋，12月底以「湊夠學分」嘅形式，喺都會大學「通識學士學位」畢業，仲參加咗大學畢業禮，坦言「原來沙紙真的來得不易。」但喺上月中旬到警署報到時再被警方國安處拘捕，指佢涉嫌違反法庭保釋條件，喺保釋期間發表有合理理由被視為危害國家安全嘅言論同行為，其後法庭撤銷其擔保，下令鄒還押懲教署看管。