政情：丁仕元現身英國鋪地板

丘文俊日前喺Fb貼文，以「英倫區政裝修」為題，話地下全層鋪地板嘅工程已經完工，原來佢哋係幫同樣移居英國嘅一名沙田街坊鋪設家居地板。丘嘅貼文入面包括咗一張丁開工時嘅相片，見到丁踎喺地下，用錘仔整緊地板。丘又形容丁係今次工程嘅總師傅同埋召集人，又叫大家若果有關英國裝修方面嘅諮詢，可以同佢哋聯絡喎。

丁仕元喺上年5月稱因不能再以從政施展自己抱負，亦唔想令家人活於惶恐而決定辭職，辦事處同社交專頁都已經停用。上年7月時有消息指佢已舉家移居英國，而佢亦都半年時間冇喺社交平台更新情況。