昔日東方政情：致函黨友 「羽」文簡化
立法會各事務委員會上周已完成正副主席選舉程序，會上各議員可以就委員會即將進行嘅討論事項提出建議，如會上未及提出，稍後亦可透過書面形式，去信各委員會主席提出自己嘅要求。身兼區議員嘅立法會「新丁」、九龍東議員顏汶羽日前就去信黨友、福利事務委員會主席陳恒鑌，要求增加討論事項，但行文就超級簡潔，單刀直入咁道出訴求，莫非就係佢嘅寫作風格？
提訴求一句講晒
議員平時致函跟進或討論某事項，通常都有其格式，除正文外宜有啟首語及收結語。儘管行文應簡明扼要，但至少要就正文內容有所鋪陳，或對訴求有所解說等。睇番顏汶羽嘅信件，撇除上款、署名及日期外，就只得開門見山嘅正文「本人建議本屆福利事務委員會討論事項如下：1.在職家庭津貼計劃」跟住就係下一句，話有咩查詢，請聯絡其助理喎。
唔知顏汶羽係咪將自己平時私下與黨友嘅溝通方式，應用咗落去正式信函度呢？就咁睇，佢可能要多向前輩討教喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
