政情：會議室改頭換面梁君彥：有3亮點

梁君彥喺社交專頁指，過往會議室，只可進行閉門會議，依家則可舉行公開會議，座位由26個增至31個，並為傳媒加建攝影室，公眾席則設於3樓。

跟住佢就話，過往有議員覺得綜合大樓嘅會議室色調比較暗沉。經改裝後嘅會議室4改以淺木色及灰色為主，予人溫暖明亮而不失莊重嘅視覺效果；以及主牆設有立法會剪影，兩旁係不反光嘅白色牆。當官員及議員開會時，可將影片直接投射喺牆上，此舉不但較環保，亦慳番購買及維修螢幕嘅開支。

梁又指建築署一直同秘書處緊密合作，喺非常緊迫嘅時間內完成了多項改善工程。期待綜合大樓進行擴建工程時，建築署及相關政府部門繼續與秘書處合作無間咁話。