政情：下月施政報告辯論謝偉俊驚阻住議案

內會主席話施政報告辯論將於下月16至18日、分4個階段進行，雖然議員喺每個階段都可以發言一次，但議員人數眾多，每個人整體發言時間不得超過15分鐘。

Paul就話容易造成過分辯論，擔心會變成嘥時間喎。內會主席解釋話，其實上屆立法會會期有變化、臨近換屆，所以冇進行辯論。

另外，內會一度暫停幾分鐘，騰出時間選出3個委員會正副主席，結果政府帳目委員會主席係陳振英、副主席為謝偉俊；議員個人利益監察委員會主席係吳永嘉、副主席由葛珮帆出掌；議事規則委員會主席由謝偉俊擔任、副主席係張國鈞。

至於上次內會有議員提出，希望政策局官員改善答問技巧，內會主席轉述政務司司長李家超嘅回應，話會提醒相關官員，回應議員提問須盡量精簡同直接。