昔日東方政情：議員冀預算案 派消費券 減薪俸稅
香港新冠肺炎疫情嚴峻，隨新一份財政預算案將於下月出爐，唔少議員都希望政府再派發電子消費券刺激經濟。有政黨尋日會見財金官員，就財政預算案提出多項期望，包括要求政府派發不少於5,000蚊嘅電子消費券，以及推出寬減百分百薪俸稅等措施。
議員陳克勤話，佢所屬政黨提出多項一次性紓困措施，包括希望政府派發不少於5,000蚊嘅電子消費券，薪俸稅應課金額兩萬蚊以下，可得百分百寬減、寬減每戶每季2,500蚊嘅差餉、提供每戶2,000蚊嘅電費補貼、為公屋住戶代繳一個月租金等。佢話消費券並非只係派錢，其實有提振經濟嘅作用，相信對各行業有正面效應。今次與財金官員嘅會面雖互不引述，但佢認為會面坦誠、有結果，官員有認真記錄咁話。
倡專責辦事處負責「北都」
另外，議員劉國勳批評政府推動北部都會區嘅時間表令人失望，建議每年最少預留1,000億元，做好北部都會區建設，希望成立專責辦事處處理相關事宜，同埋敦促政府同內地部門做好對接工作呀！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
