政情：鄧棨然內地服刑「寫意」 寫信叫家人代繳罰款

鄧棨然喺信中提及依家每日嘅生活也還挺寫意，心情挺放鬆，每天看看書，了解一啲新事物，同埋教一教同倉囚友英文。鄧重申毋須擔憂佢嘅精神狀況，又叮囑家人年關將至，記得檢查一下家中各種家電、爐具、用品是否安全，有冇線路破損或外露，家中「看門口」嘅藥物、淨水片、罐頭等應急用品是否過期、欠缺，應適時補充同儲備。

佢又話天氣轉冷，叮囑家人注意保暖之外，又指自己隨身嘅11,000蚊已經被沒收，要求家人為佢繳交餘額9,000多蚊嘅罰款。鄧棨然因組織他人偷越邊境罪罪成，前年12月被內地法院判囚3年，並罸款二萬蚊人民幣。