昔日東方政情：竹篙灣營友 陸瀚民口罩打孖上
曾出席「洪門宴」而需要到竹篙灣隔離嘅議員早前都陸續離營，而其中議員陸瀚民（Benson）尋日返到立法會，就戴咗兩個口罩。莫非見過鬼所以怕黑？
Benson本月初出席「洪門宴」，因赴會時間同確診者有重疊，需要入住竹篙灣隔離營兩星期，前日到立法會返工。佢話自己係新人，第二日返工都仲有好多嘢要處理，包括協調吓辦公室嘅人手等等。
更貼面感覺安全啲
但咁啱見到，Benson戴住兩個口罩喎，莫非入住竹篙灣之後驚咗？佢就話疫情嚴峻，有專家曾呼籲戴兩個口罩，本以為會難以呼吸啦，但原來都冇乜嘢不適，反而貼面咗，心理上都覺得安全啲。
佢仲分享喺竹篙灣嘅生活，話郊外地區係比較凍，營內環境好似當年喺大學宿舍咁，而佢對環境就冇好大期望，話始終去隔離，又唔係去度假。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
