政情：梁君彥冀行政立法齒輪般互動

梁君彥喺文章表示，好開心見到新一屆議員告別對立，期望立法會同政府管治團隊互相制衡、互相配合，行政立法關係好似齒輪咁重新轉動，令香港發展走得更前。梁提及，行政長官林鄭月娥本月12日出席立法會首次會議，由於議員踴躍發問，所以答問會由1.5小時，延長至兩小時，認為反映咗行政立法機關嘅互動受到重視。

梁君彥又指，立法會修訂《議事規則》，限制每名議員加入事務委員會數目，令議員可以喺會議上同政府官員有更深入嘅互動。佢話中央及香港市民都對議會寄予厚望，議會已整裝待發，全體議員定當全力以赴，讓香港發揮所長，貢獻國家。