昔日東方政情：擊敗林新強 容海恩任司法委會副主席
隨着立法會大會已經召開，18個事務委員會尋日都進行選舉主席、副主席嘅議程，較早前亦都公布有效提名。當中17個委員會正副主席全部沒競爭下當選，只有司法及法律事務委員會副主席有競爭，最終容海恩獲得10票當選，擊敗只得5票嘅林新強，兩人喺結果公布後都互相握手祝賀。
主席全由連任議員包辦
喺18個事務委員會之中，所有主席都係由連任嘅議員擔任，包括謝偉銓續任發展事務委員會主席、陳克勤成功連任保安事務委員會主席、易志明則再次擔任交通事務委員會主席等等。
而今屆委員會都有議會「新丁」參選副主席並成功當選，例如黎棟國擔任保安事務委員會副主席、陳紹雄擔任交通事務委員會副主席、蘇長榮則擔任公務員及資助機構員工事務委員會副主席、以及邱達根當選為資訊科技及廣播事務委員會副主席等。有連任嘅主席就建議佢哋睇返舊時嘅委員會文件，從中學習喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
