政情：鄒幸彤獄中過生日 今上庭收「禮物」

鄒幸彤嘅友人尋日喺Facebook貼文，指尋日原來係鄒嘅37歲生日，仲用「少女」二字嚟形容佢添！嗰個朋友話鄒嘅生日就冇禮物可以拆喇，但鄒今日就支聯會唔交資料案第二次審前覆核出庭，所以可以見到朋友，仲話或者呢個已經係目前鄒可以得到最好嘅禮物。

因舊年呼籲市民參加未經批准嘅六四集會，涉煽惑他人明知而參與未經批准集結罪成，鄒幸彤被判監禁15個月，其中5個月同佢有關前年六四煽惑案件同期執行，故兩案總刑期為22個月。另外，佢又因為涉嫌違反《港區國安法》，被控顛覆國家政權罪，佢喺上個禮拜就該《港區國安法》案件再度申請保釋被拒。