昔日東方政情：被政府追數 李傲然撲水過年
年近歲晚，好多小巿民都要撲水過年。油尖旺前區議員李傲然喺呢個時候，竟然收到政府一份新年「禮物」喎，之不過呢份禮好惡啃，事關係政府嘅催繳通知書，仲係大嗱嗱將近96,000蚊呀！究竟係乜嘢原因，李傲然欠落政府咁大筆數呢？
兩張單夾埋還款近10萬蚊
李傲然日前喺社交專頁上載兩張政府發出嘅繳款單，一張應繳款項為55,179.21，另一張嘅金額係40,359.26，兩張單夾埋要交95,538.47。佢補充話收到區議會秘書處來函催討，指所欠款項係佢早前擔任區議員職務而衍生嘅開支，限期已過，必須要盡快繳交。
仔細啲睇，兩張單嘅到期繳款日，分別係舊年10月26日、以及11月2日。佢無解釋點解拖咁耐都唔找數，反而埋怨話疫情緣故，不但導致手上嘅兼職工作要暫停，就連「炒散」都搵唔到！而正當失去微薄收入嘅時候，偏偏又遇上政府追數，真係愈窮愈見鬼啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
