昔日東方政情：港府疫控堵漏慢幾拍 梁美芬隔空追數
新一波疫情來勢洶洶，臨近年關，各行業再受政府收緊防疫措施影響。議員梁美芬（Priscilla）上周二曾去信食物及衞生局局長陳肇始，建議政府落實「安心出行」實名制並設追蹤功能，又促參考上海嘅防疫安排，加快堵截病毒傳播嘅效率。之但係佢至今仲未收到該局回覆，所以昨日就喺Facebook追數，促政府推出防疫政策同時考慮公眾利益，摒棄思維枷鎖。
Priscilla表示因國泰機組人員違規，使變種病毒喺社區擴散，令大家感憤怒，強調當事人與國泰需負上責任，但政府都要檢視現行防疫政策係咪有成效。
指政府思維存枷鎖
佢話上海流行病調查團隊雖只得3,000人，但處理及為確診個案、密切接觸者作檢測速度快、效率到位，同時會嚴懲違規市民，絕對唔會出現國泰事件。佢又指對比香港，上海防疫人員保護裝備「做到足」，「包到好似太空人」，認為本港防疫人員亦要有足夠裝備，以防染疫。
對於香港防疫政策，Priscilla話現時嘅組織及政策「好差、好弱」，政府仍存在思維枷鎖，雖然有流行病學專家及醫生，但喺公共衞生政策角度上，認為要結連公共利益，考慮公眾情緒及處境。佢強調中小企都希望自力更生，認為政府政策可先從嚴執行一段時間，加強追蹤能力，例如推行「安心出行」實名制。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
