笑看天下：日本首相左右做人難

當今全球新冠肺炎肆虐，美國感染人數已經突破6,600萬，大約每5個美國人便有一人感染，死亡人數則超過87萬，真係「死得人多」，竟然還煞有介事充當「和平使者」，這不是瞎折騰是甚麼？美國國家安全顧問沙利文曾發表講話，指美國已退出阿富汗，更加重視印太地區，希望將衝突嘅可能性降至最低。阿哥，這不矛盾嗎？老美一面磨拳擦掌，一面扮斯文要將衝突降至最低？

美國的所謂「重視」印太地區，無非是回到冷戰時期的對立和割裂狀態！沙利文指美中兩國喺印太地區嘅激烈競爭，並不一定會演變成新冷戰，然而，老美還不是講一套做一套。今個月6號，日本與澳洲簽訂《相互准入協定》，翌日急不及待隨即跟美國舉行新一輪外交國防會談。

事實上，日本首相岸田文雄上任以來軍事動作多多，與多國加強合作，主要目標又係針對中國，同時隱含對美國隨時撤出西太平洋嘅憂慮。作為日本首相，也真是為難！岸田喺去年嘅就職演說談及對華外交時稱，與中國構築穩定的關係，對兩國乃至地區和國際社會極為重要；可如今又一面倒向美國！美國學者分析日本因戰略環境變化面臨壓力時，一語道破日本嘅無奈：在繁榮上過度依賴中國，在安全上過度依賴美國。前者指日本對華投資龐大，後者指依賴美國保護，左右做人難！岸田前言不對後語，或許暗自感嘆做人難，做日本首相更難！