昔日東方政情：葉劉：通關就唔使靠消費券
新一份財政預算案將喺下個月底公布，多個政黨都要求政府再派消費券，但係有政黨就反對喎。身兼行政會議成員嘅議員葉劉淑儀所屬嘅政黨尋日提交預算案建議，佢表明唔支持續派消費券，話過往消費券分多個月派發，對經濟提振有限，加上主要受益的為零售飲食，相信一旦通關嘅話，市場唔需要依賴消費券。佢仲話政府應預留金錢作不時之需，因為現時疫情情況仍未明。
張宇人倡減非住宅差餉
佢又話本港公共財政呈現不健康現象，包括赤字急升、稅收主要依賴賣地收入，形成地產經濟，反映經濟轉型失敗，而科技創新產業暫時未見成效，加上經常性開支增幅極大，所以佢建議將政府經營開支再壓縮1%，並形容此舉已較為溫和。
有商界政黨就認為電子消費券成效顯著，倡議續派介乎於5,000元至一萬元嘅消費券，而該黨身兼行會成員嘅議員張宇人話政府應考慮寬減2022至23年度的非住宅物業差餉，以每戶每季一萬元為上限，政府物業合資格租戶亦應減租。
議員聯盟G19就認為政府要提升績效，必須實行能者居之嘅原則，又要改革政府嘅「資源分配機制」，強調政策不論新舊都要有達標時間表，開支或開位亦要進行效益評估，而房委會、醫管局等運用大量公共資源的公營機構亦要加強監督，而物業交易印花稅則「貴加平減」，一億元以上「超級豪宅」調高稅率，「上車盤」，即1,000萬元以下嘅首置交易則下調。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
