昔日東方政情：自嘲脂肪多 還押吳政亨：夠保暖
去年底天氣寒冷，聽聞有被還押人士凍傷咗腳趾公添！而本周天氣又會再次轉涼，但同樣被還押、因參與舊年民主派35+初選涉違《港區國安法》、網名「李伯盧」嘅吳政亨就自嘲脂肪多保暖喎。
傳院所內有人凍傷腳趾公
吳政亨嘅朋友日前喺社交平台分享佢嘅近況，話舊年聖誕節後嗰兩日天氣寒冷，加上見到有被還押人士話凍傷腳趾公，本身都有啲擔心吳會晤會凍親。點知吳就話自己還好，仲自嘲可能係因為自己脂肪比較多啊！加上佢曾經喺澳洲生活多年，都習慣咗當地嘅天氣咁話喎。
雖然唔怕凍，但都會怕悶嘅。話說佢之前參加咗自學計劃，讀一啲法律書籍，讀到心好累，就叫朋友入啲漫畫書畀佢減減壓。不過，唔知係咪佢朋友入得唔夠多漫畫書，搞到佢悶到喺半個月內，將同一套漫畫睇咗5至6次啊，睇嚟佢要再諗吓有乜嘢自娛喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
